Porrotx eta Marimotots pailazoek Urteak bete, abenturak bizi ikuskizuna aurkeztuko dute urriaren 20an, Zamudion. Pailazo-taldeak 35 urte bete ditu eta saioa horren ospakizuna izango da. Gainera, azpimarratuko dute urteak betetzea garrantzitsua dela, baina are garrantzitsuagoa dela abenturak bizitzea. Lagatzu euskara elkarteak antolatuta, ikuskizuna 18:00etan izango da kiroldegian.
Sarrerak zortzi euroan ipiniko dira salgai eta urriaren 1etik 19ra bitartean eskuratu ahalko dira hurrengo leku hauetan: www.zamudio.eus webgunean (jarduerak eta bonoak), Zamudioko estankoan eta liburu-dendan eta Derioko Uribe okindegian (Aldekona). Lagatzuren bazkideek, bestalde, urriaren 2tik 4ra bitartean hartu ahalko dituzte sei euroan, euskara elkartearen egoitzan.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).