Astelehenetik barikura gehienezko egonaldia 24 ordukoa da, hau da, muga horretatik aurrera, ibilgailua derrigorrez aparkalekutik atera behar da. Ibilgailu bat aparkalekutik ateratzen denean, ezin izango da berriro sartu gutxienez bi ordu igaro arte. Hori bai, zapatu, domeka eta jai egunetan, aparkalekua mugarik gabe erabili ahal izango da, denbora eta aldaketarik gabe. Egonaldi laburrei dagokienez, 15 minutu baino gutxiagoko egonaldiak ez dituzte aparkatze gisa kontuan hartuko. Arau horiek ez betetzea zigorrak edo ibilgailua kentzea ekar ditzakela gogoratu dute udaletik.
Horrez gain, kaptazio talde bat eta kudeaketa sistema bat instalatu dituzte –fotogramak antzemateko ikuspen artifizialeko bi kamerez osatua– eta informazio kartelak jarri dituzte aparkalekuan, herritarrei jakinarazteko eremu horiek monitorizatuta daudela.