COVID-19ak eragindako pandemia dela eta, Txakolinaren Eguna bi urtean bertan behera gelditu da Larrabetzun; halere, bertako udalak jakinarazi duenez, aurten egingo dute 19. aldiz. Txakolinaren Eguna apirilaren 10ean izango da, eta Txorierriko zortzi ekoizleen txakolina dastatzeko aukera egongo da Larrabetzuko plazan. Era berean, 10 salmenta-postu ipiniko dira.
Txorierri apirilaren 6an zeharkatuko du KORRIKAK. Aurreikuspenaren arabera, 16:49an Larrabetzutik sartuko da eta handik Loiurantz abiatuko da. Txepetxa AEK euskaltegiak barikuan, martxoak 18, aurkeztu zuen euskararen aldeko ekimen erraldoia Txorierriko Baserri Antzokian, Derion. KORRIKA 22. aldiz egingo da aurten, eta haren gaineko zehetasunez eta nondik norakoez gainera, datozen egunotan izango diren ekitaldien berri ere eman zuten. Omago musika-taldeak kopaua girotu zuen.
“Haur eta nerabeen babesa kirolean. Graduondoko amaierako lanen posterrak”. Apirilaren 13ra arte.
Marrazkigintza eta pintura udal-tailerren lanak. Apirilaren 1etik 28ra, liburutegiko erakusketa-gelan.
Tai Chi. Apiriletik urrira, eguaztenetan eta eguenetan, 11:15etik 12:15era. Izena ematea, Kultur Birikan.
Uda Gaztea egitasmoaren bidaian aurretiko izen-ematea, Gaztestazioan: apirilaren 1etik 10era.
Argazkigintzan hastea. Apirilaren 5etik 28ra, 19:00etatik 21:00era, Kultur Birikan. DATek eta udalak antolatua.