Jardunaldietan, besteak beste, “Lan merkatuaren azterketa, sektore estrategikoa” mahai-ingurua egingo da eta bertan puntako sektoreetako eskualdeko adituak arituko dira: María Pascual de Zulueta, Basque Health Clusterreko managing director; Mario Bilbao Gorrino, ZTEko Giza Baliabideen, Harreman Publikoen eta Komunikazioaren zuzendaria; Carlos Ibáñez Avendaño, Naguspeako zuzendari kudeatzailea; José María Bilbao, ITP Training Manager; Óscar Pérez, Matrici S. Coop. enpresako arduraduna; eta Benjamín Rosende, RDT Engineers enpresaren sortzailea eta exekutibo nagusia. Mahai-inguruan parte hartu nahi dutenek izena eman behar dute.
Mahai-inguruaz gainera, hitzaldiak egongo dira eta lan orientazioa eskainiko da. Gainera, gazteek profesionalekin elkarrizketak izateko aukera edukiko dute. Azoka 10:00etatik 14:00etara izango da. Bizkaiko Foru Aldundia eta Txorierriko Mankomunitateak diruz lagundu dute ekimena. Informazio gehiago www.feriaempleo.txorierri.eu webgunean eskura daiteke.