Gaur arratsaldean ongietorria egingo diete Garciari eta Morenori Derion

Gaur arratsaldean ongietorria egingo diete Garciari eta Morenori Derion

Hogeita sei urteren ostean, Rakel Garcia derioztarra eta bere bikotea, Luis Moreno, Euskal Herrira itzuli dira. Astelehenean, harrera egin zieten Sopelan, bikotea bizi zen herrian, eta gaur iluntzean ongietorria egingo diete Derion. Ekitaldia 20:00etan izango da, Herriko tabernan.

Bikotea 1992. urtean erbesteratu zen Belgikara, Espainiako agintariek Bizkaia komandoari lagundu izana leporatu ostean. Prentsaurreko batean, Bruselan, adierazi zuten “Guardia Zibilari beldur” ziotelako joan zirela erbestera, eta ez zutela “deliturik egin, ez Euskal Herrian, ez Espainiako estatuan, ezta Belgikan ere”. Belgikako justiziak bikotea estraditatzea onartu zuen, baina estraditazioa bertan behera  gelditu zen. Denbora-tarte honetan Belgikako herritartasuna lortu dute.