Logoa
Logoa
aikor.eus

Argiteria hobetu dute Derioko oinezkoen pasabideetan eta bidegurutzeetan

  Hirigintza  Derio
Argiteria hobetu dute Derioko oinezkoen pasabideetan eta bidegurutzeetan

Bertako Udalak 35.600 euro ipini ditu lanetan, eta, azaldu duten moduan, horiek helburu bikoitza eduki dute: alde batetik, autoek oinezkoak harrapatzeko arriskua murriztea; eta bestetik, oinezkoen pasabideak behar bezala argiztatzea. Era berean, argi berriei esker, energia-kontsumoa txikiagoa izango da.

Zehatz-mehatz, hamar luminaria aldatu dira. Lanak bidegurutze hauetan egin dira: Pagasarri eta Txorierri kaleen artekoan; Euskal Herria eta Mungialde kaleen artekoan; Gernikako Arbola kalearen eta Mikel Deuna plazaren artekoan; Bestorrene eta Mungialde kaleen artekoan; eta Santiago eta Rekalde kaleen artekoan. Eta kale hauetan: Ganburu, 1; Mungialde etorbidea, 16; eta Gernikako Arbola, 1 eta 4.

Herriko argiak hobetzen jarraitzea Derioko Udalaren lehentasunetariko bat da, horrela, oinezkoen eta ibilgailuen segurtasuna bermatu ahal izateko. Horri lotuta, eta jakinarazitakoaren arabera, apirilean 12 LED argi berritu ziren Entrecalles moduan ezaguna den aldean, eta lanetan 19.500 euro ipini zituzten. Era berean, Euskal Herria eta Pagasarri kaleetan LED argiak dituzten zenbait farola jarri ziren. Oinezkoen pasabideetan eta bidegurutzeetan argiak hobetzea ere egin da lehentasun horren haritik. “Derioztarren segurtasuna handitzen jarraituko dugu. Horretarako, oinezko eta ibilgailu gehien ibiltzen diren guneak aztertu eta hobetuko ditugu”, esan du Esther Apraiz Derioko alkateak.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa