Jardunaldia Ezagutu Aukeratzeko programaren barruan dago. Programak ikastetxeak eta ingurune soziolaborala elkarrengana hurbiltzea du helburu, ikasleei lan-aukeren berri emateko. Egitasmoak hainbat jarduera biltzen ditu, hala nola enpresetara bisitak, mahai sektorialak eta profesionalekin esperientziak partekatzea. Jardunaldian hauek hartuko dute parte: Jose Manuel Tubio, Txorierriko Politeknika Ikastegiko koordinatzaile pedagogikoa; Ainhoa Saenz orientatzailea; Jokin Gorozika, Bilboko Ingeniaritza Eskolakoa; eta Ales Loustaunau, EGAZ Txorierriko zuzendaria.
Txorierriko Zerbitzuen Mankomunitateak, EGAZ Txorierrik eta Bizkaiko Foru Aldundiak jardunaldi akademiko-profesionala antolatu dute gaur arratsalderako. Ekitaldia Bigarren Hezkuntzako bigarren zikloko ikasleen gurasoentzat da, eta Politeknika Ikastegiarekin eta Euskal Herriko Unibertsitatearekin lankidetzan prestatu dute. Derioko Kultur Birikan izango da 18:00etatik 19:30era. Besteak beste, gai hauek izango dituzte hizpide: prestakuntza-ibilbideak, eskualdeko hezkuntza-eskaintza eta lan-merkatuan gehien eskatzen diren trebetasunak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).