Deriocomek poltsa berrerabilgarriak banatuko ditu bezeroen artean

“Berdetik ibili, halan erosi” lelopean, eta aurreko urteetako moduan, Deriocom Derioko merkataritzako eta zerbitzuko elkarteak plastiko gutxiago erabiltzeko kanpaina egingo du aurten. “Poltsek gastu handia ekartzen digute ingurumenari zein denda txikioi. Horregatik, kanpaina honen bidez, bezero guztiei denda txikietara poltsa berrerabilgarriekin etortzeko deia egiten diegu”, azaldu dute. Elkarteko saltokiek azaroko erosketekin batera banatuko dituzte poltsa berrerabilgarriak bezeroen artean.