Tarte GUNE tailer-solasaldia irailaren 22an eta urriaren 6an eta 20an egingo da. Parte-hartzaileek, besteak beste, gai hauek jorratuko dituzte: mugikorraren erabilera, gizarte-sareak eta argazkietarako aplikazioak. Bestalde, Gorputza LANDU programaren baitan gorputz-jarduerak izango dira irailaren 29an eta urriaren 13an eta 27an. Helburua da mugitzeko gaitasun biologikoak galtzea saihestea edo murriztea, eta muskulatura lantzeko ariketak egingo dira horretarako, hala nola ibilaldiak eta aire zabaleko gimnasioan ibiltzea.
Derioko Udalak jakinarazi duenez, lan-ildo garrantzitsutzat du zahartze aktiboa, “udalerriko biztanleen bizi-kalitatea eta ongizatea hobetzeko. Hortaz, ekainean egindako hitzaldien ondoren, adinekoentzako ekintzak ipiniko dira berriro martxan, hurrengo asteetan. Udalak programa berri bat antolatu du eta horren harira egingo dira tailerrak eta gorputz-jarduerak. Izena ematea zabalik dago jada eta Kultur Birikan egin daiteke, edo 944 659 714 telefono-zenbakira deituta.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).