Ondarearen Europako Jardunaldiak direla eta, Bizkaiko Elizaren Historia Artxiboak erakusketa eta bisita gidatua antolatu ditu urriaren 19rako. Ekintzak Derioko Seminarioko egoitzan egingo dira euskaraz, gaztelaniaz eta zeinu-hizkuntzaz. Izena emateko, 944 062 490 telefono-zenbakira deitu behar da. Aurten, jardunaldiek inklusioa dute ardatz nagusitzat, eta, artxiboko arduradunek azaldu dutenez, zenbait ekintza pastoralen bidez sortutako inklusiorako dokumentuak ezagutzeko aukera izango dute parte-hartzaileek. Gainera, agerian utziko da hizkuntzak eta hedabideek ez dituztela beti gizatalde guztiak kontuan hartu.