Lehenengo eta behin, aztertu genuen lan solidarioa egiten duten Derioko elkarteak zeintzuk diren, eta Gure Señeak elkartea ezagutu genuen; gaixotasun arraroa duten umeen alde lan egiten du Gure Señeak elkarteak. PAI Bitartean eguneko zerbitzuaren erabiltzaileek argi izan zuten merezi zuela elkartearekin lankidetzan aritzea, eta, espero genuen moduan, atseginez onartu zuten proposamena. Helburu nagusia izan zen ekintzari gizarte- eta ongintzazko izaera ematea, eta, hortaz, ekintzaren sarrerei esker lortutako diru guztia Gure Señeak elkartearentzat izango zela erabaki genuen. Beste aldetik, Derioko Udalarekin ere harremanetan egon ginen, beste behin ere gure ekintzarekin bat egiteko. Era berean, jai-batzordearekin hitz egin genuen, proposamena jai-egitarauaren barruan ipin zezaten. Zumbathon maiatzaren 14an egin zen.
Eragile guztiek egitasmoarekin bat eginda, eta zenbait bileraren eta prestatze-lanen ostean, egun handia heldu zen. Zumbathonen zaleek bi ordu bizi-biziak gozatu zituzten diziplina hartako irakasleen eskutik. Irakasle horien artean izan ziren Maria, Olga, Gaby, Tony, Pablo eta Iratxe. Halaber, indarrak berritzeko gunea atondu zen, eta parte-hartzaileek eskura izan zuten ekintzarekin bat egin genuen elkarteei buruko informazioa. Ehun sarrera baino gehiago saldu ziren eta guztira 510 euro batu ziren Gure Señeak elkartearentzat.
Parte-hartzaileei egitasmoan ibili izana eskertu nahi diegu Emaus Gizarte Fundazioko PAI Bitartean eguneko zerbitzuko langileok, eta espero dugu tarte atsegina pasatu izana. Derioko Udalari ere eskerrak eman nahi dizkiogu, berriro ere gurekin bat egin eta egitasmoa aurrera eraman ahal izateko laguntza eman izanagatik; Bizkaiko Foru Aldundiari, zerbitzuaren aldeko apustua egiten jarraitzen duelako; Mariari, ekintza antolatu izanagatik; eta gurekin tarte solidarioa partekatu nahi izan zuten profesional guztiei.