Zapatuan, ekainaren 25ean, Marikobaso Eguna egingo da lehen aldiz, “laguntza eman diguzuen guztiei esker ona adierazteko eta elkarrekin egun polita pasatzeko”, zabaldu dute kideek gizarte-sareen bidez. Ekintzak goiz-goizetik hasiko dira: 11:00etan bisita gidatua egingo dute Marikobaso auzotik, eta 12:30etik aurrera poteo musikatua izango da herritik. Herri-bazkaria 15:00etan izango da Marikobasoren egoitzan bertan. Ondoren, jolasak egongo dira, eta 19:30ean, Akelarrea, Koxak talde feministaren eskutik.