Derioko Udala hainbat bide dabil konpontzen, herriko irisgarritasuna hobetzeko

Derioko Udala landa bideak egokitzeko lanak egiten dabil zenbait auzotan: San Kristobal, San Isidro, Done Eztebe eta Arteaga. Guztira, 60.000 euro gastatuko ditu bertan. Lanak hiru aste barru bukatuko dira.

Lanek herritarrei oro har eta landa-auzoetan bizi diren pertsonei beharrezko hornidurak eta azpiegiturak eskaintzea du helburu. Udalaren esanetan, horrela, “herria irisgarriagoa, seguruagoa eta zainduagoa” izango da. Deboraren poderioz, bide batzuk hondatu egin dira eta horietan asfaltoa jarriko da berriz, zuloak-eta konpontzeko. Gainera, Ganbeko hariztiaren eremu bateko eta Mungialde etorbideko asfaltoa ere konponduko da, 7. eta 15. zenbakien artean (atzealdea barne).

 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).