Deriok Babeski-D programa aurkeztuko du gaur arratsaldean

Haurrak eta nerabean kirolean, aisialdian eta denbora librean erabat babesteko, Babeski-D programa lantzen dabil Derioko Udala. Programak hiru helburu nagusi ditu: haurren eta nerabeen aurkako indarkeria-mota guztiak prebenitzea; udal-zerbitzuetan zein ume eta nerabeekin lan egiten duten kirol- eta aisialdi-elkarteetan gerta daitezkeen indarkeria-egoerak antzematea eta horietan esku hartzea; eta herritarrak tratu onean oinarritutako umeen eskubideekiko sentikor bihurtzea. Programa gaur, 19:00etan, aurkeztuko dute Kultur Birikan.