Derioko Udalak sarrera gehiago jarri ditu eskura, Olentzerori, Maridomingiri eta Errege Magoei harrera egiteko

Txorierriko herriak Gabonak ospatzen dabiltza, eta horren haritik, batzuek harrera egingo diete Olentzerori eta Maridomingiri; eta Errege Magoei. Derioko Udalak, esate baterako, gizarte-sareetan jakinarazi du doaneko sarrera gehiago atera direla, ume guztiek ekitaldietan parte hartzeko. Sarrerak esteka honetan daude eskuragarri, eta bakarrik umeek beharko dituzte txartelak, ez helduek.      

“Sarrerak amaitu arren, Udalak ez du ume bakar bat bera ere kanpoan utziko, eta bi harreretara hitzordurik gabe etortzen direnek ere ez dute arazorik izango parte hartzeko. Hitzordua hartzeko sistemak jende-pilaketak ekiditeko helburua du soilik”, esan du Derioko Udalak. Derion, abenduaren 24an egin zaie harrera Olentzerori eta Maridomingiri ordutegi hauetan: 11:00etan, 12:00etan, 13:00ean eta 19:30ean. Halaber, Erregeak urtarrilaren 5ean etorriko dira Deriora, eta horretarako sarrerak 19:00etan eta 20:00etan hartu ahal dira. 

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).