Juana Elguezabal 1842an jaio zen Derion eta gaztetxoa zela Cacesera joan zen osaba eta izeko zaintzera. Emakume aitzindaria izan zen eta bertan antzokia eta eskola bat sortu zituen. Bere izena herriko kale edo leku bati ipintzeko proposamena Txorierri Institutuko DBHko laugarren mailako ikasle batzuek egin zuten. Izan ere, Filosofia irakasgairako lan bat egiten zebiltzala, Derioko kale, auzo eta parkeen izenak aztertu, eta topatu zuten emakume-izen bakarra zegoela: Arantzazu kalea. Egoera zuzentzea beharrezkotzat jo zuten eta, hasteko, herriko kale bati Juana Elguezabal izena ipintzeko proposamena egin zioten udalari.
Juana Elguezabalen omenezko plaka ipini da Derion
Martxoaren 8an, omenaldi hunkigarria egin zioten Juana Elguezabali Derion. Gainera, Eneritz Amondarain herriko artistak Elguezabalen omenez egindako plaka ipini zen institutuaren eta eskolaren arteko jolas-gunean. Ekitaldian parte hartu zuten Eguezabalen senideek, institutuko eta eskolako hezkuntza-komunitateak, Sutondoan elkarteak eta Derioko Udalak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).