Zehatz-mehatz, sei ikastaro eskaintzen dituzte: Segurtasuna Interneten, Zibersegurtasuna bideo-jokoetan, Mugikorra neurriz erabiltzea, Etxeko zibersegurtasuna eta zibersegurtasun pertsonala, Interneten erosketa seguruak egitea eta Ziberbullingi, genero-ziberindarkeriari eta Interneteko beste indarkeria-mota batzuei aurrea hartzea. PAI Bitartean zerbitzuko kideek ikastaroetan parte hartu ahal izateko aukera baliatu dugu, oso interesgarritzat jotzen baitugu gure erabiltzaileek teknologia berrien eta gailu elektronikoen inguruko ezagutza eduki dezatela. Hortaz, bi ikastaro egin ditugu: lehenengoan zibersegurtasuna landu, eta hizpide izan ditugu norberaren informazioaren pribatasuna eta Interneten ondo babestuta ez egotearen ondorioz egon daitezkeen arazoak; bigarrenean, mugikorra egunean zenbat ordutan erabiltzen dugun hausnartu dugu, zertarako, gizarte-sareak, doako aplikazioen eta jokoen deskarga arriskutsuak… Derioko PAI Bitartean eguneko zentroko langileok eta erabiltzaileok eskerrak eman nahi dizkiogu BCSC erakundeari, komunitaterako egiten duen lanagatik eta gure zentroraino ikastaroak ematera hurbildu izanagatik.
Eusko Jaurlaritzak Basque Cybersecuriy Centre (BCSC) erakundea hautatu du euskal gizartean zibersegurtasuna sustatzeko eta garatzeko, hari lotutako jarduera ekonomikoa dinamizatzeko eta sektorea sendotzeko. Erakundearen kontzientziazio-zerbitzuak zibersegurtasunari buruzko tailerrak antolatzen ditu hezkuntzako profesionalentzat; familientzat; Batxilergoko, Lanbide Heziketako eta Ikasgela Egonkorreko ikasleentzat; umeentzat; nerabeentzat; eta heziketa formaletik kanpoko helduentzat, hala nola klubetako eta elkarteetako kideentzat. Tailerrak PantallasAmigas enpresak ematen ditu.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).