Maiatzaren 21ean, Derioko Udalak Herri Ibilbidea antolatu du 35. aldiz. Betiko moduan martxa mota bi egongo dira: bata, nagusientzat; eta beste bat, umeentzat, 10 urte baino gutxiagokoak. Martxa banaka egingo da eta ez da bertan parte-hartzeko izena eman beharko. Mendizaleek kontroletatik pasatu beharko dute eta atsedenaldia egingo da. Ibilbidean seinaleak jarriko dira, parte-hartzaileak ez galtzeko. Irteera eta helmuga Herriko Plazan ipiniko dira.
Nagusiak 8:00etan abiatuko dira eta 17,6 kilometroko ibilbidea egingo dute. Herriko Plazatik Loiura joango dira eta han Lauroeta auzotik ibiliko dira. Atsedenaldia egin eta hamaiketakoa hartu eta gero, mendizaleak Goikoganetik eta San Isidro auzotik itzuliko dira herrigunera. Umeek beranduago hasiko dute martxa, 9:00etan, ibilbide laburrago bati aurre egingo diotelako: 9,4 kilometro. Anoa-postua Aiartza auzoan jarriko dute. Ibilaldia bukatzen denean, opariak zozkatuko dira parte-hartzaileen artean.
