Luis Vázquez derioztarrak ibilbide luzea du arte martzialetan. Maisua izateaz gainera, hainbat titulu lortu ditu: esaterako, 2019an Arte Martzialen Ireki Nazionala irabazi zuen defentsa pertsonal arloan eta maisuen kategorian. Vazquezek 44 urte ditu eta gaur egun irakasle dabil. Bere ibilbideagatik ere domina eman diote.
Bestetik, Hannah Rankin eskoziarra (1990) munduko boxeolaririk onenetarikoa da. 2021ean, WBA super-welter kategoriako gerrikoa irabazi zuen; eta 2019an, IBO elkartearena. Debuta 2017an egin zuen eta guztira 18 borroka egin ditu. Horietako 12 irabazi ditu (3, KOz); eta gainerako seiak, galdu.