Aiala Uriarte Lezamako klubean aritzen da eta zapatuan Marta Gomezen (Danok Lagunak) kontra jokatuko du Derion. Partida emakumezkoen lehenengo mailari dagokio. Ez da ordutegia zehaztu, txapelketaren jaialdiaren barruan dagoelako. Uriarteren partida arratsaldeko txandan egingo da, 16:00etatik aurrera. Txanda horren lehenengo partida Khadim Lok (Akarregi) eta Ekain Escuderok (Kurene) jokatuko dute elkarren kontra, kadeteen hirugarren mailan. Ostean, gazteen bigarren mailan, Luken Atutxa (Olaburu) eta Peru Ugalde (Arkupe) arituko dira; ostean, Uriarte eta Gomez; eta jaialdia biribiltzeko, Mikel Larrinaga (Gallarta) eta Aitor Serrano (Bidebieta), nagusien hirugarren mailan.
Goizean, beste lau partida jokatuko dira 10:00etatik aurrera: kadeteen bigarren mailan, Mikel Lizarbek (Izarra), Jon Gerrikabeitiaren (Durango) kontra; gazteen hirugarren mailan, Marcos Cidek (Artza), Harkaitz Hormaetxearen (Artza) kontra; emakumezkoen bigarren mailan, Malen Lamadridek (Txumuluxueta), Enara Gallastegiren (Txumuluxueta) kontra; eta nagusien bigarren mailan, Enoc Iglesiasek (Upo Mendi), Gorka Ibarrondoren (adiskide) aurka.
Jaialdia bihar arratsaldean hasiko da, 18:30ean. Kadeteen lehenengo mailan, Iker Rekaldek (Txumuluxueta) Izkander Torralbaren (Lagun Onak) kontra jokatuko du; gazteen lehenengo mailan, Aner Iglesiasek (Upo Mendi), Bingen Beitiaren (Joko Alai) kontra; eta nagusien lehenengo mailan, Gaizka Karregalek (Adiskide) Mikel Aurrekoetxearen (Lemoa) kontra.