19:00etan, 30 minutuko partida egingo da, Txolok zelaian zaletuei, lagunei eta senideei agur esateko. Partida bukatzen denean, Ohorezko Mailaren Txapeldunen Kopa emango zaio CD Derio klubari, eta ekitaldia amaitzen denean, Edu eta Tara djak arituko dira. Jaia biribiltzeko, klubak barbakoa antolatu du 19:45etik aurrera eta han hanburgesak, txistorra eta txitxi-burruntzia erreko dira.
Bestetik, CD Derio datorren denboraldia hasi da prestatzen. Hurrengo astean, taldea aurkeztuko da Kultur Birikan, 19:00etan, baina erabaki batzuk jakinarazi ditu aurreko egunetan, gizarte sareetan. Esate baterako, Egoitz Bilbao teknikariak eta Asier Feo eta Arman Imaz laguntzaileek taldean jarraituko dute, baita Mikel González, Lander González, Aimar Barrera, Galder Carreras eta Markel Vegas jokalariek ere.
Era berean fitxaketa batzuk iragarri dituzte. Horietako bat Guillermo Ruiz aurrelaria da, bilbotarra, 28 urtekoa. Ruizek eskarmentu luzea du Hirugarren Mailan, hainbat taldetan: Leioa, Somorrostro, Santurtzi, Deustu... Barakaldo taldean ere aritu da eta iaz, Duragoko Cultural taldean egon zen. Beste fitxaketa bat Iraultz Lekerika izango da. Aurrelaria Zamudio taldetik etorriko da.