Bertokoaz arduratzen dira Txorierriko Baserri Antzokian, eta horregatik, jai berezia prestatzen dabiltza urriaren 21erako eta 22rako. Tokiko ekoizleen eta eragileen lanaren garrantzia azpimarratzeaz gainera, egitasmoak euskal kultura eta euskara nabarmentzea du helburu. Horretarako, ekintza-sorta zabala izango da asteburuan zehar. Egitaraua datozen egunetan jakinaraziko duten arren, zertzelada batzuk eman dituzte hari buruz.
Zapatuan, bertoko produktuen azoka txikia izango da goizean. Perretxiko-erakusketa ere egongo da, eta janari-postuak ipiniko dira; talo- eta txakolin-postuak, haien artean. Era berean, euskal dantzen agerraldia izango da bertoko dantza-taldeen eskutik, eta zenbait tailer egongo da umeentzat. Egun osoan euskal musikaz eta gastronomiaz gozatzeko aukera ederra egongo da, eta arratsaldean ere zuzeneko musika disfrutatu ahalko da. Domekarako, bestalde, bizikleta-ibilaldia antolatu da Gela Pedagogikoaren elkarlanean, eta hori bukatzean, zozketa bereziak egongo dira.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
