Derioko Udalak baranda berriak ipini ditu zenbait kaletan
Altzairu herdoilgaitzezko barandak ipini dira Urkiola eta Sollube kaleetan, “adineko pertsonei edo mugikortasun urria dutenei igoera edo jaitsiera errazteko eta erorikoak murrizten laguntzeko”, adierazi du Derioko Udalak prentsa-ohar baten bidez. Era berean, baranda berriak ipini dira Txorierri Etorbidean, “udal talde sozialistak gobernu taldeari helarazitako zuzenketa bati erantzuteko”. Udalak 35.700 euro ipini ditu barandak jartzeko.