Jakinarazi dutenez, solasaldi irekiak eta dinamikoak izango dira, “derioztar bakoitza nahi eta ahal duenean gerturatu ahalko da eta alkateari eta udal-gobernuko zinegotziei zuzenean egin ahalko dizkio bere ekarpenak”. Lehenengo bi hitzorduak Ganbeko txokoan ipiniko dira, Ganbe eta Errekatxueta auzoetako biztanleak hartzeko: maiatzaren 21ean, martitzenean, 11:30etik 13:30era; eta maiatzaren 23an, eguenean, 17:30etik 19.30era.
“Derioko auzo guztiak bisitatuko ditugu, derioztarren eskaerei erantzuteko”, adierazi du Esther Apraiz alkateak. “Ekimen honen bidez, herritarrei entzun nahi diegu eta udal-politiketan ere protagonismoa izatea nahi dugu. Udal moduan, gure nortasun-ezaugarrietako bati jarraipena eman nahi diogu, Gobernu Irekiari, hain zuzen ere. Ikuspegi horren bidez, zerbitzu publikoan sorreran eta hobekuntzan herritarren lankidetza bultzatu nahi dugu, gardentasuna eta kontu-ematea indartuz”.