Emaús Gizarte Fundazioa ere BesteBi plataformaren partaidea da, eta apirilaren 25ean plataformak Indautxuko plazan, Bilbon, egin zuen elkarretaratzean hartu zuen parte, etxebizitzarik ez duten 2.500 pertsona baino gehiagoren egoera ikusgai egiteko. Urtero antolatzen den ekintza da, baina aurten zerbait berria egin nahi izan da eta antzezlan bat prestatu da. Parte-hartzaile bakoitzak bere aletxoa ipini zuen. PAI Bitartean zerbitzuaren erabiltzaileok eta langileok, esaterako, kartel batzuk egin genituen eta horietan mezu erreibindikatzaileak idatzi genituen, hala nola “pertsonarik ez etxe gabe” eta “bihar zu izan zaitezke”. Gainera, Ganbara Gizarte Irratiaren baliabideak erabilita, antzezlanaren pertsonaien ahotsak sortu, eta bozgorailu baten bidez erreproduzitu ziren.
Hainbat arrazoi direla-eta etxebizitza lortzeko ahaleginetan dabilen familia baten egoera azaldu genuen antzezlanean: erakundeen zerbitzuetara jo dute, baina oso izapide zailei aurre egin behar izateaz gainera, ahalegina egin behar dute arreta duina lortzeko. Milaka pertsona daude egoera horretan edo antzeko egoeran; hortaz, enpatia dugu pertsona horiekin eta pairatzen dituzten ondorioak ezagutzen ditugu. Horregatik, Emáus Gizarte Fundazioak BesteBiren edozein egitasmoren partaidea izaten jarraituko du eta modu aktiboan parte hartuko du bere errebindikazio-ekintza guztietan.