Bilduma online ikusi ahalko da Derioko Udalaren Flicker kontuan, “Derio iruditan”. Era berean, epaimahai batek argazki batzuk aukeratuko ditu eta horiek kalitate handian inprimatuko dira, Kultur Birikan ikusgai ipintzeko. Gainera, 12 irudi erabiliko dira 2025. urteko egutegia egiteko.
Herriko argazkiak biltzen dabil Derio
Herriko argazki-bilduma osatzeko asmoa du Derioko Udalak eta argazkiak biltzen dabil. Egitasmoan Derion erroldatutako edozein pertsonak hartu dezake parte, eta argazkiak, bestalde, digitalak edo analogikoak izan daitezke. Argazkiak irailaren 21era arte aurkeztu daitezke Gertuan arreta-zerbitzuan, 08:30etik 14:00etara, edo partaidetza@derio.eus helbide elektronikora bidalita eta egilearen izena eta NAN zenbakia adierazita.