Lehiaketaren oinarrietan zehaztu dutenez, ipuinak gutxienez testua eta irudiak izango ditu, eta formatu-proposamenak ere onartuko dira. Balio sozialak edo humanitarioak sustatu beharko ditu, hala nola elkartasuna, ontasuna, berdintasuna, diskriminaziorik eza, elkarrekiko laguntza eta natura-ingurunearen zaintza. Gainera, hurrengo esaldi hau jaso beharko du: “Eta hala bazan edo ez bazan sar dadila kalabazan eta atera dadila Derioko plazan”. Lanak posta elektronikoz aurkeztu ahalko dira gurene@derio.eus helbidera bidalita, edo udaletxean bertan, astelehenetik barkura, 08:00etatik 14:00etara. Informazio gehiago, www.derio.eus webgunean.
“Gureneren ipuinak” lehiaketan parte hartzeko epea urriaren 1era arte luzatu du Derioko Udalak
Derioko Udalak jakinarazi duenez, “Gureneren ipuinak” lehiaketara lanak aurkezteko epea urriaren 1era arte luzatzea erabaki du, “parte-hartzea ahalik eta handiena izateko eta udako oporraldiaren ostean nahi duen guztiak bere lana aurkeztu ahal izateko”. Lehiaketan edozein pertsonak har dezake parte, baldin eta lan originala, beste lehiaketa batera aurkeztu ez dena, eta argitaratu edota saritu gabea aurkezten badu. Ipuinak 0 urtetik 3 urtera bitarteko umeentzat izan behar dira, eta euskaraz edota gaztelaniaz idatzita egon. Irabazleak 1.000 euro eta ziurtagiria jasoko ditu saritzat.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).