Bestalde, Arantza Atutxak, Ingurune Naturala eta Nekazaritza Sustatzeko diputatuak, aurkeztu zuen Aldundiak Bizkaiko emakume baserritarrentzat bultzatutako lan-plana. Azaldu zuenez, plana “iaz egindako tailerretan emakume baserritar askok adierazitako kezkei erantzuteko sortu da. Gune horretan, landa-eremuko emakumezkoei eragiten dieten gaiak landu ziren, esate baterako, osasuna eta ongizatea, nekazaritza-sektoreko parte-hartze aktiboa eta laguntza bilatzea". Era berean, dokumentu bat aurkeztu zen, non emakume baserritar batek ekintzailetza-ideia bat duenetik bere lan-bizitza amaitzen den arte jaso ditzakeen laguntza nagusiak zehazten baitira. Solasaldiak ere izan ziren, eta talde-dinamikak.