Oztopo arkitektonikoak ezabatzeaz gainera, garabi berezi bat ipini da mugikortasun urriko edo premia bereziko pertsonen autonomia eta erosotasuna errazteko. Nahiz eta aldagela erabiltzeko aldez aurretiko hitzordua eskatu behar ez den, udalak kiroldegira deitzeko gomendioa egin du kudeaketa hobeto egiteko. Telefonoa da 944 540 159. Beste alde batetik, ate automatikoak ipini dira kiroldegiko sarreran eta irteeran, herritar guztiei eraikinerako sarbidea errazteko (30.875 euro), eta mugikortasun urriko pertsonentzako aparkalekuak atondu dira kanpoko aparkalekuan.
Mugikortasun urriko pertsonentzako aldagela egokitu da Derioko kiroldegian
Derioko Udalak prentsa-ohar baten bidez jakinarazi duenez, udal-kiroldegiko aldageletako bat eraberritu dute, leku irisgarria, inklusibo eta erosoa bilakatzeko eta mugikortasun urriko pertsonek euren burua garbitu ahal izateko, kiroldegiko abonatuak izan edo ez. Eraberritze-lanetan 46.125 euro ipini ditu udalak, eta bere esanetan, neurriak erantzuna ematen die bizilagunen eskaerari zein erakundeak oztopo arkitektonikoak kendu eta aukera-berdintasuna sustatzeko gogoari.