Emakume eta Neska Zientzialarien Nazioarteko Eguna ospatuko dute Derion

Otsailaren 11 da Emakume eta Neska Zientzialarien Nazioarteko Eguna, eta data horren harira tailerrak antolatu dituzte Derion domekarako, otsailak 9. Tailerrak 11:00etatik 13:30etara egingo dituzte kantxa estalietan eta hauek izango dira: magia eta zientzia, arte kromatografikoa, jostailu hidraulikoak eta mandala matematikoak. Hiru txanda egongo dira (11:00etatik 11:40ra, 12:00etatik 12:40ra eta 12:50etik 13:30era). Hamar ume onartuko dira talde eta tailer bakoitzeko.