Gainera, 12:00etan euskal dantzen erakustaldia egongo da, eta ostean, Kantarelux taldeak jaia girotzen jarraituko du. Bestalde, kontzertuak egongo dira arratsaldean. Kontzertuak 19:00etan hasiko dira, eta agertokira igoko dira Palos de Ciego, Laguna Crush eta Cruce de Miradas taldeak. Ondoren, musika egongo da Dj Portyren eskutik.
Udaberri Jaia egingo dute zapatuan BANen
Txorierriko Baserri Antzokian, Udaberri Jaia antolatu dute zapaturako, apirilak 26. Egitasmoa goizeko 11etan hasiko da. Baserri Antzokiaren kanpoaldean hainbat postu atonduko dira, eta eskualdeko ekoizleek eta artisauek euren produktuak erakusgai eta salgai ipiniko dituzte bertan: apaingarriak eta osagarriak, barazkiak, loreak, eztia eta txakolina, batzuk aipatzearren.