Inkestaren helburua da auzotarrek tokiko kirol-sistemari buruz dituzten iritziak, beharrak eta itxaropenak ezagutzea. Azaldu moduan, jasotako informazioa baliagarria izango da diagnostiko eguneratua egiteko eta Derion kirol-jarduera irisgarria, inklusiboa eta kalitatekoa erraztuko duten jarduera-ildoak zehazteko. Esther Apraiz alkateak parte hartzeko prozesu honen garrantzia azpimarratu du: “Derion oinarrizko ardatz dugu kirola, kohesio- eta osasun-tresna baita herritar guztientzat. Horregatik, funtsezkoa da gure herrian kirola egunez egun egin eta bizi dutenen ikuspegia izatea. Guztiak animatzen ditugu beren ideiak ematera, elkarrekin kirol-erdu hurbilagoa eta benetako beharretara egokituta eraikitzeko”.
Prentsa-ohar baten bidez zabaldu duenez, Derioko Udalak 2025-2028 aldirako Kirolaren Plan Estrategikoa ipini du abian, “udalerriko kirol-esparruaren egungo eta etorkizuneko erronkei erantzuteko”. Udalak derioztarrekin eta herriko eragileekin elkarlanean eraiki nahi du plana, eta, horretarako, inkesta bat zabaldu du. Inkesta maiatzaren 25era arte bete ahalko da hemen.