Azaldu duten moduan, tresna Europa mailako punta-puntako teknologian oinarritzen da, eta udalerriko teilatu guztiak aztertzen ditu, modu argian informazio hau emateko: eraikin bakoitzean zenbat eguzki-panel ipini ahal diren, zenbatetsitako energia-errendimendua, gutxi gorabeherako beharrezko inbertsioa, aurreikusitako urteko aurrezpen ekonomikoa eta instalazioak ekarriko lukeen CO2 isurien murrizketa. Informazio hori guztia eskuragarri egongo da webgune publiko batean. Esan bezala, Derioko Udalaren helburua da “herritarrak ahalduntzea, herri-ingurunean iraunkortasuna erraztuko duten erabaki informatuak hartu ahal izateko”.
Beste alde batetik, Esther Apraiz Derioko alkateak azpimarratu duenez, “Deriok beste urrats bat egingo du gardentasunarekin, klima-aldaketaren aurkako borrokarekin eta energia garbiekin duen konpromisoan, derioztarrei aldaketarekin bat egiteko tresna praktikoak eta fidagarriak eskainiz”.