Irteeretan parte-hartzeko plazak mugatuak dira, beraz, izena eman beharko da. Irteera bakoitzak 5€-ko prezioa izango du, eta izena emateko hiru modu daude: GazteDerioko lokalera joanez (Uribe kalea, 7), 688 769 524 telefonora deituz, edo gazteleku@derio.eus helbide elektronikora idatziz.
GazteDeriok Gabonetan egingo diren irteerak antolatu ditu. Hauek 2008 eta 2013 urteen artean jaiotako gazteentzat zuzenduta daude, bi taldetan banatuta: Gazte (2008 eta 2011 artean jaiotako gazteak) eta Ludogazte (2012 eta 2013an jaiotako gazteak). Gazte kategoriakoak Derioko Jump Yard-era joango dira abenduaren 29an, eta Gasteizen izotz patinajea egingo dute urtarrilaren 2an. Ludogazte kategoriakoak, aldiz, Barakaldoko BEC-en egingo den PIN-era joango dira abenduaren 26an, eta urtarrilaren 4an Gasteizera joango dira izotz patinajea egitera ere.