Hori gutxi ez, eta oroigarri berezi bat ere jasoko dute: 'Gurene' txiki bat, bertako Artile Artean saltokiak sortu eta artilearekin egindako artisautza pieza. Ekitaldia luntx batekin amaituko dute, “gertuko eta familia giroan”. “Ekimen honekin, Deriok familiekiko eta haurtzaroarekiko duen konpromisoa indartzen du, jai tradizio berri gisa sendotu nahi duen keinu sinboliko bat gehituz”.
San Isidro jaiek berrikuntza hunkigarri bat izango dute aurten: ongietorri ekitaldi bat 2025ean jaiotako haurrentzat. Hitzordua eguenean, maiatzak 14, da, 18:00etan, Kultur Birikan. Udalak oroimenezko zapi pertsonalizatua emango die 2025ean jaiotako 40 haurrei, udalerriko kide izatearen sinbolo gisa.