Goiherri munduko txapelduna da 23 urtez azpiko kategoria mistoan

Lur Gaineko Sokatira Munduko Txapelketa izan da Alemanian, eta Goiherri Erandioko taldeak bost domina lortu ditu bertan: hiru, kluben kategorian, eta bi, Euskal Selekzioarekin. Kluben arteko lehiaketan, Erandiokoek urrezko domina eskuratu zuten 23 urtez azpiko kategoria mistoan, 560 kiloetan, eta hortaz, munduko txapeldunak izan ziren Ingalaterrako taldeari irabazita.

Gainera, zilarrezko domina bi eskuratu zituzten: bata, gizonezkoen kategorian, 560 kiloetan; eta bestea, emakumezkoetan, 23 urtez azpiko lehian, 500 kiloetan. Beste aldetik, Euskal Selekzioarekin, Goiherrik brontzezko bi domina lortu ditu: bata 23 urtez azpiko emakumeen kategorian, 500 kilotan; eta bestea, 23 urtez azpiko kategoria mistoan, 560 kiloetan.