Parte hartzea auzotar eta herritar guztiei zabalik dagoela nabarmendu dute. “Ez da behar aurretiko esperientziarik, kanturako gogoa eta parte hartzeko nahia besterik ez”. Hurrengokoa izango da osatuko duten ibilbidea: Martiartu, Goiorta, Askorbeko Peñes, Ugarte, Pinubarri, Arondo, Goikolanda, Motagane, Motabarri, Elordui, Magdalena, Iketza, Mesoenea, Iberre eta Urgitxi Bidea.
Hain zuzen ere, taldearen beste helburu nagusia Goiherri auzoa girotzea eta kultur eta kirol jarduerak bertara hurbiltzea da. “Udalerrian antolatzen diren ekintza asko ez dira beti auzo nekazarietara heltzen”, adierazi dute.