Paisaia koloretsuak

Erabiltzailearen aurpegia

Koloretako paisaia eta herriak amestu ditut, umeek kolore eta lerro bakunekin irudikatzen dituztenak bezalakoak: eukalipto ba­ko basoa, errekaren alde biak lotzen dituen zubi sendo ederra, izaki koloretsuak, bihotz moreak eta herritarren ahotik hizkuntza zolia nola darien erakusten duten paisaiak. Eta hara non etorri den azaroaren 10a. Hauteskunde osteak koloretako paleta ekarri du pantailetara. 

Orain arteko kolore bakarrak  aspergarriegiak eta pisutsuegiak ziren gure begi eta bihotzetan, horregatik herritarrok koloreak atera ditugu poltsikoetatik. Herri eta  pertsona txiki asko toki askotan aritu da margotzen eta horra emaitza: ortzadarraren horma-irudi erraldoia. Espainiar erresuma monokromoa, entzun: aro berria erditzear da, nazioen txanda da. Elkarren eskutik, paisaia idilikorik egon ez arren, nazio txikiek euren paisaia margotzen ari direla erakutsi dute, ametsa ziruditen paisaia horiek egun usaindu, ikusi eta sentitu ditzakegu.