Kateak apurtzen

Pigmalion eskultore ezaguna izan zen, berak sortutako eskulturaz (Galatea) maitemindu zena. Hain zen indartsua sortu zitzaion sentimendua, non azkenean beste jainkosa baten laguntzarekin eskultura izaki biziduna bilakatu zen. Itxaropenak grinez beteta izaten direnean, errazagoa da haiek betetzea. Irudikatu dezagun zirku batean dagoen elefante-kume txikia, katez lotuta izaten dutena. Lehen egunetan elefanteak ahalegin guztiak egingo ditu bertatik askatzeko eta ihes egiteko. Baina saiakera horiek guztiak alferrikakoak direla ikustean, amore emango du. Urteak aurrera egin ahala, elefantea tamainaz handituz joango da, indar handiagoa izango du eta katea apurtzeko gai izango da. Hala ere, aurreko saiakeretan ezer lortu ez duenez, eta denbora luzez ikasi duen babesgabetasunaren ondorioz, kateei lotuta bizitzen ikasiko du. Denok izan gara elefante hori, eta guztiok sentitu ditugu kate horiek. Baina geure aukera da kateekin bizitzea ala kateak apurtzea.