Menpekotasunak ez du etenik, ezta mugarik ere. Aurrerapauso teknologikoen aldekoa naiz, baina teknologia gu kontrolatzera igarotzen denean, gaizki. Eta hamaika adibide jar daitezke. Esaterako, kalean, pantailari begira mugitzen gara. Eta are okerrago: autoan ere bai. Gero eta gidari gehiago ikusten ditut sakelako telefonoa maneiatzen ari direla. Eta ez berba egiteko, whatsappei erantzuteko baizik. Ez dakit nola egiten duten, benetan zaila iruditzen zaidalako. Zaila eta arriskutsua. Begietara begiratzeari utzi diogu pantailari begiratzeko. Eta ez zait gehiegi gustatzen. Izan ere, begirada soil batek asko esan dezake. Pantaila soil batek baino askoz ere gehiago.
Ezin ukatu teknologia gure bizitzetara iritsi dela betiko gelditzeko. Hasieran aukerak ez ziren oso anitzak, baina, urteen poderioz, gure sakelako telefonoari esker denetik egin dezakegu. Gure gailuak alarmak dira, erlojuak, kalkulagailuak, kronometroak, egutegiak, argazki eta bideo-bildumak… Jakina, telefonoz hitz egiteko ere balio dute, horixe falta zen bakarrik! Baina teknologia berrien ondorioz, benetako zonbi ere bilakatu gara.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).