Egun horretan bizi izandakoa gogoan izateko eta bertaratzerik ezin izan zinetenok han bildutakoaren indarraz edan daizuen, hementxe dozue gori-gori, labetik atara barria, aurkezpen ekitaldiaren bideotxua.
Sondikar euskaltzaleok
burua altxatu daigun
Altzora herrian da-ta
alderik alde ezagun.
Kultur etxe dotorean
altzorakada bat lagun
alkartu ginen oraintsu
han zer ikusi zer entzun.
Kherau bihotzak jasotzen
riki-raka eta tun-tun
elkarte jaiobarria
eder-eder eta txukun
aita-amabitxiak be
polito ziren han jardun
luzaro barik da hemen
Sondika euskal-euskaldun