1.113 karaktere hipokrita, kantsatu eta desordenatu

Erabiltzailearen aurpegia t: Azler Garcia, Hizkuntzalaritzan doktoregaia 2021eko apirilaren 22a

Euskal derby ederra lehengo egunekoa, e! Etxe aurrean hogeita bost tximino –barka, primateok, hori baino ez zait okurritu...–, hirurogeita hemezortzi artaburu eta ehun bat alu oihuka edukitzea merezi izan du. Eta Bilboko anabasa ikustea, eta Donostiako alkatea Donostiakoak Bilbokoak baino suabetxoagoak izateaz harro berbetan entzutea. Zirku pandemiko itzela gurea. Jakina, besteek egindako arduragabekeriez kexaka ibiltzea ezin falta… Gero baten batek neureak aurpegiratu eta, denbora librez estu eta kantsatuta nabilenez, erraz kentzen dut gainetik errua.

 

Iparraldea itxialdian, etxebizitzatik 10 kilometrora bada ere. Baina behintzat, Frantziako Asanbleak hizkuntza gutxituen aldeko legea onartu du bozkaz. Matematika ondo ikasiko dute orain ume koitaduek? Matematika errazagoa ei da erdaraz, erdara hori edozein dela ere. Lar aurreratzen nabil beharbada, eduki-irakasgaiak, inportanteak, euskaraz emateko eskumena onartuko duten ere ez dakigu eta. 

Hona 1.113 karakteretan kabitzen zaizkidanak. Baina ez pentsa horretaz ere kexaka natorkizunik, Aikor!-ek gehiago eman nahi eta nik minimoa negoziatu nuen eta.

Iritzia