“Mens sana in corpore
sano” esaldian,
beste argazkiren bat
behar zan agian...
liburu eder batzuk
gimnasio erdian
edo hiru- lau pesa
liburutegian.
Itallen Bertso Eskola
Mens sana in corpore sano esan ohi da. Txikitan zaldiketan hasi zen Ariane, gaztetan aerobika landu zuen, eta gaur egun fitnessaren munduan dabil, pisuekin eta gimnasioko makinetan gora eta behera. Gorputza gaur zaintzen ez badugu, etorkizunean medikuek zaindu beharko digutela irakurri zuen behin derioztarrak. Ariketa fisikoa uste baino askoz gehiago dela aipatzen du: depresioak ekidinez eta autoestimua handituz. Sasoian egoteaz gain, irribarretsu eta pozik agertzen da argazki guztietan Ariane. Nola bestela?
Testua eta argazkia: Jon Goikouria Larrabeiti
www.jongoikouria.com