Iraganari eta
orainari bista,
hankak eta mingaina
ez dabiz erdizka.
Gu zuen pausoeri
segika gabiz ta
mosu bana Edurne
eta Evarista!
Itallen Bertso Eskola
Alargundu eta Evarista eta Edurne bakarrik geratu ziren etxean. Denborari aurre egiteko, kirola egitea erabaki zuten. Eguraldiak uzten dienean, 94 eta 89 urteko andreek lau kilometroko ibilbideak egiten dituzte Derioko Landabarri, Bidebarri, Errekalde eta Larrauri auzoetatik zehar. Bendejera eta mirabea izan direnek gai asko jorratzen dituzte pausuz pausu bizkaieraz: herriko nondik norakoak, antzinako bizimodua… eta nola ez, eguraldia.