Eskerrik asko ahizta!

Erabiltzailearen aurpegia

Zapata Gorriak, Zamudioko elkarte  feministak,  jaietan  eraso matxisten  kontra antolatutako ekimenetan  parte hartu duten  emakume eta elkarte guztiei  eskerrak  eman  nahi dizkie eta,  era berean, zoriondu nahi ditu.

Ahizta!, eskerrak erasoen  kontrako  protokoloa  sortzen  lagundu  duzulako;  haren  aldeko  apustua  egin duzulako; brigada feministan  parte hartu duzulako, brigadaren zapia  txiste matxistetatik defenditu duzulako; jaietan,  zapatuan  gertatu zen  indarkeria-erasoa konpontzen ahalegindu zinelako;  herriko  puntu  beltzak  zehaztu eta seinalatu dituzulako; beste  emakumeei laguntzeko prest egon zarelako, hiru egunean, egunez eta gauez era arretatsuan... Gure "ahiztatzea" hasi, hazi  egin da, eta Zamudioko emakumeen ahalduntzeak jada  ez  dauka  atzera  bueltarik!

Eskerrak jai  batzordeari ere bai, hasieratik gure proiektuan sinesteagatik; txosnetan gure ahots-iragarkiak jartzeagatik eta interesagatik; udaleko berdintasun batzordeari,  puntu morea diruz laguntzeagatik; herriari,  kartelak eta laguntza eskatzeko telefonoa zabaltzeagatik; Emagin elkarteari profesionaltasunagatik… Jaietan,  Zamudio  seguruagoa, kontzientziatuagoa eta solidarioagoa lortu dugulako harro sentitu zaitez Ahizta!

Mila, mila esker more!