Maiatzaren 17an, zapatuz, Ipar Uribeko bertsolari txapelketako finala izango da Areetako Andres Isasi musika eskolan. Finala baino lehen hiru kanporaketa egingo dituzte: lehenengoa, apirilaren 18an Sopelako ikastolan; bigarrena, apirilaren 25ean Larrabetzuko Hori Bai gaztetxean; eta hirugarrena, maiatzaren 9an Fikako Herriko txokoan.
Larrabetzuko kanporaketan bertsolari hauek hartuko dute parte: Itxaso Paya, Peru Vidal, Beñat Vidal, Arrate Illaro, Unai Larrazabal, Maialen Berekoetxe, Ekain Landa ‘Txispain’ eta Alberto De Abajo ‘Zoro’.