Ekainean, 76 urte beteko dira tropa faxistek Burdinazko Gerrikoa apurtu zutela, eta Larrabetzun ekitaldi sorta zabala antolatu dute urteurrenaren haritik. Ekainaren 17tik 23ra bitartean, gerrako argazkiak ipiniko dira ikusgai Anguleri kutura-etxean. Ekainaren 21ean, asturiar gudarostearen gaineko dokumentala eta hitzaldia eskainiko dira arrastiko 7etatik aurrera kultura-etxean.
Bestalde, Udalbatzak instituzio-adierazpena onartuko du ekainaren 22an, eta haren ostean, eguerdiko 12etan, omenaldia egingo diete Bolunburun lurperatu-tako milizianoei. Arrastiko 3etan bazkaria izango da eskolan. Azkenik, hu-rrengo egunean bisita gidatua egingo da herrian dauden gerrako aztarnetatik. Ekintza goizeko 11:30ean hasiko da.