Aurtengo ikasturtearen lehenengo saioa urriaren 25ean egingo dute Zarautzen, eta han Martin Ugalderen lana edukiko dute hizpide, Larraitz Ariznabarretaren eskutik: Deserriaren kartografia. Datozen hilabeteei begira, beste zazpi saio antolatu dira, besteak beste, Larrabetzun, Iruñean eta Hendaian.
Urte osoko matrikulak 20 euro balio du soldatadunentzat; eta 10 euro, soldatarik ez dutenentzat. Hala ere, saio jakin baterako matrikula egiteko aukera ere badago: bost euro, soldatadunentzat; eta hiru euro, soldatarik ez dutenentzat. Izena emateko, mezu bat bidali behar da eskola@literaturaeskola.org helbidera eta datu hauek zehaztu: izen-abizenak, helbide elektronikoa eta telefono zenbakia. Informazio gehiagorako, esandako helbide elektronikora edo www.literaturaeskola.org webgunera jo daiteke.
Hurrengo saioak:
Azaroak 29 - Hogeita hamar urte euskal literatur kritikan (1975-2005). Ibon Egaña. Larrabetzuko Anguleri kultur etxean.
Abenduak 20 - Virginia Wolf, Olatuak hitz, hitzak apar. Ana Morales eta Itziar Diez de Ultzurrun. Iruñeko Euskaldunon Biltokian (Txantrea)
Urtarrilak 24 - Ulyssesen itzulpenak. Xabier Olarra. Bilboko Alondegian.
Otsailak 21 - Piarres Larzabal: Euskaldunen mundua ezagutzeko antzerkigintza. Ixabel Etxeberria. Donostiako Ernest Lluchen.
Martxoak 21 - Xabier Amuriza, bertsolaritzatik literaturara joan etorrian. Andoni Egaña. Durangoko Udal liburutegian (Zilar Astea).
Apirilak 25 - Hostoak ostuz. Literatura, komikiaren ixtoriborda. Asisko Urmeneta. Hendaiako eskola publikoan.
Maiatzak 23 - Poesia feminismotik irakurtzen. Kattalin Miner. Gasteizko El Pilar gizarte-etxean.