Bilbao Arena bete-bete egin zen zapatu arratsaldean, #Josi Bizkaiko Bertsolari Txapelketaren finalean. Azken urteetako finalik jendetsuena izan zen, aretoan 4.350 lagun elkartu baitziren. Zortzikoteak bere behar puntuagarria amaitu ostean, Arkaitz Estiballes eta Fredi Paia pasatu ziren buruz-burukora. Azkenean, Fredi Paiak jantzi zuen txapela, Kristina Mardaras Sedrunen eskutik. Etxahun Lekue larrabetzuarra hirugarrena izan zen. Sailkapena hala lotu zen:
• Fredi Paia Ruiz 901
• Arkaitz Estiballes Ormaetxea 874.5
• Etxahun Lekue Etxebarria 512
• Oihana Bartra Arenas 482.5
• Jone Uria Albizuri 482
• Onintza Enbeita Maguregi 479
• Iratxe Ibarra Foruria 478.5
• Xabat Galletebeitia Abaroa 452
Gai emaile beharretan Zuriñe Iarritu Azpitarte eta Maite Berriozabal Berrizbeitia ibili ziren. Epaimahaia hurrengoek osatu zuten: Ander Txakartegi Basterretxea, Iñaki Aurrekoetxea Arkotxa, Jon Jaio Aiartzaguena, Joseba Santxo Uriarte, Jurgi Fuentes Goikoetxea eta Mirari Azula Aurrekoetxea; idazkari beharretan Itziar Basterretxea Olarreaga aritu zen
Bertsolari gazteenaren saria Jone Uria Albizurentzako izan zen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).