Hori Bai Gaztetxea, Larrabetzu
Keu Agirretxea eta Jon Gurrutxaga musikariek indarrak batu dituzte beraien bakarkako formatuak uztartu eta elkarrekin hainbat emanaldi eskaintzeko. Askotan jo eta grabatu izan dute elkarrekin bi musikariok, baina inoiz ez formatu txikian, ezta modu honetan ere. Kontzertuotan musikari bakoitzak bakarka joko ditu hainbat abesti eta ondoren elkarrekin igoko dira taula gainera batak bestearen zenbait kantu ahotsaz edota gitarraz janzteko. Emanaldi hauetarako preseski sortutako piezaren bat ere eskainiko dute Ondarroa eta Elgoibarko musikariek.